Kev Ua Teb Zaub Yooj Yim thiab Ua Tau Zoo:
Simple and Successful Vegetable Farming:

Yuav ua li cas De, Cia, thiab Muag Cov Zaub Koj Cog
How to Pick, Store and Sell the Vegetables You Grow (Hmong)

Copyright ©  2001  Regents of the University of Minnesota. All rights reserved.

[View all Vegetable Farming products]

Koj tau siv zog ua teb cog tau cov zaub zoo thiab tshiab. Thaum txog caij muag koj cov qoob loo, nco ntsoov:

• De koj cov zaub thaum lub sij hawm yog caij de.
• Muab koj cov zaub cia raws li txoj kev cia zaub.
• Ua zoo nqa koj cov zaub mus tom khw.
• Ua zoo kho koj cov zaub tom khw kom zoo ntsia.

Ua li ces neeg yuav pom hais tias koj cov zaub yog cov zoo. Luag thiaj li yuav xav rov tuaj muas koj cov zaub ntxiv.

Yuav ua li cas De thiab Cia Koj Cov Zaub Kom Zoo Tshaj

De koj cov zaub thaum lub caij uas huab cua txias tshaj plaws. Tej hnub pos huab, yav sawv ntxov, thiab yav tsaus ntuj yog cov caij zoo de tshaj.

Siv ib rab riam huv thiab ntse txiav koj cov zaub ntawm tsob zaub. Siv tej lub thoob huv los ntim koj cov zaub. Maj mam ua zoo de thiab nqa koj cov zaub kom txhob tsoo qhov twg. Muab ib daim ntaub qhuav tso rau hauv qab lub thoob ntim zaub kom tiv thaiv cov zaub. Muab koj lub thoob cia rau qhov chaw ntxov ntxoo lub caij koj ntim kom puv. Ces ua raws li cov lus qhia kom ib yam zaub twg mas muab cia raws li txoj kev cia yam zaub ntawd.

Yog tias yam zaub ntawd yuav tsum ua kom noo noo thaum muab cia, ces muab ntaub yas to qhov los vov. Los yog tias koj muaj ib lub cav tshuab pa sov hauv koj lub cav txias cia khoom, ces tso kom txog 95%.

Coj koj cov zaub mus tom khw kom sai li sai tau. Ua li ntawd cov zaub thiaj li tshiab, zoo noj, thiab zoo nkauj.

Tej co zaub yeej tseem zoo ntev tom qab koj de tau lawm. Vim li ntawd ib qho tseem ceeb yog yuav tau xub de thiab muab cov zaub Asmiskas feem ntau no cia ua ntej:

Zaub Qhwv. De zaub qhwv thaum lub zaub qhwv tawv tawv lawm. Muab cia rau qhov chaw txias thiab muaj hws dej. Zaub qhwv yuav lwj tom qab 5 lub hlis.

Carrots. Rho cov carrots thaum yav saum toj kheej txog li 1 nti. Muab yav saum toj txiav tawm. Muab cia rau qhov chaw txias thiab muaj hws dej. Carrots yuav lwj tom qab 8 lub hlis.

Qij. Dob qij thaum cov nplooj ib nrab daj lawm. Muab cov qij qha rau qhov chaw sov li lub hoob tsev xwb kom ntev li 2 txog 4 as thiv. Muab cia rau qhov chaw qhuav thiab txias. Qij yuav lwj tom qab 4 lub hlis.

Noob Dos Loj. Rho noob dos loj thaum cov hauv dos tawv lawm thiab cov nplooj dos qhuav lawm. Xub thawj tshab muab cia thiab muab qha hauv qhov chaw sov li hoob tsev kom ntev li 2 txog 4 as thiv. Ces mam li muab cia rau qhov chaw qhuav thiab txias, tiam sis txhob muab ua kom khov. Noob Dos Loj yuav lwj tom qab 4 lub hlis.

Qos Yaj Ywm. Rho cov qos yaj ywm thaum cov hmab tuag lawm. Muab cia rau qhov chaw txias thiab muaj hws dej thiab txhob cia rau qhov chaw muaj hnub ntsa rau. Qos yaj ywm yuav lwj tom qab 6 lub hlis.

Lwm cov zaub ces tsis ntev tom qab koj de los xwb yeej yuav lwj. Vim li ntawd ib qho tseem ceeb yog yuav tau de thiab muab cov zaub no cia tom qab kawg nkaus:

Zaub Basil. De cov zaub basil thaum cov nplooj tseem mos mos. Muab cov kav tsau dej. Muab cia rau qhov chaw sov li lub hoob tsev. Zaub basil yuav lwj tom qab 5 hnub.

Taum. De taum lub sij hawm 2 txog 3 as thiv tom qab tsob taum tawg paj. Muab cia qhov chaw txias thiab muaj hws dej, tiam sis txhob pub txias tshaj 40 degrees. Taum yuav lwj tom qab 1 as thiv.

Zaub Paj Dawb. De zaub paj dawb thaum cov hauv paus zaub tseem dawb dawb. Muab cia rau qhov chaw txias thiab muaj hws dej. Zaub paj dawb yuav lwj tom qab 3 as thiv.

Pob Kws. Ntais pob kws thaum cov plaub pob kws qhuav thiab hloov ua xim kas fes lawm. Siv koj tus rau tes xais ib lub noob pob kws kom to es muab saib. Yog tias hauv lub noob pob kws ntawd muaj kua dawb paug, ces yog lub caij ntais lawm. Muab pob kws cia qhov chaw txias thiab muaj hws dej. Pob kws yuav lwj tom qab 5 hnub.

Dib. De dib thaum dib ntev li 6 nti. Muab cia qhov chaw txias tiam sis txhob cia txias tshaj 40 degrees. Txhob muab dib cia nrog txiv apples los yog txiv lws ua ke. Dib yuav lwj tom qab 1 as thiv.

Qe Zaub. De qe zaub thaum cov xim tseem tshiab khiv. Muab cia qhov chaw txias tiam sis txhob cia txias tshaj 50 degrees. Qe zaub yuav lwj tom qab 1 as thiv.

Zaub Xam Lav. De cov zaub xam lav thaum cov nplooj zaub tseem mos mos. Muab cia qhov chaw txias thiab muaj hws dej. Zaub xam lav yuav lwj tom qab 1 as thiv.

Taum Paj. De taum paj thaum cov taum tseem mos mos. Muab cia qhov chaw txias thiab muaj hws dej. Taum paj yuav lwj tom qab 1 as thiv.

Kua Txob. De kua txob thaum loj li koj nyiam thiab tus xim los zoo raws li koj nyiam. Muab cia qhov chaw txias tiam sis txhob cia txias tshaj 45 degrees. Kua txob yuav lwj tom qab 2 as thiv.

Cag Zaub Raddishes. Rho cag zaub raddishes thaum cov cag kheej li 1 thiab 1/4 nti. Muab yav saum toj txiav tawm. Muab cia qhov chaw txias thiab muaj hws dej. Cag zaub raddishes yuav lwj tom qab 1 lub hlis.

Zaub Ntsuab. De zaub ntsuab thaum cov nplooj tseem mos mos. Muab cia rau qhov chaw txias thiab hws dej. Zaub ntsuab yuav lwj tom qab 10 hnub.

Taub. De taub thaum loj ntev li 4 txog 6 nti. Muab cia qhov chaw txias. Taub caij ntuj sov yuav lwj tom qab 1 as thiv.

Txiv Lws Suav (Liab). De txiv lws suav thaum liab dawb los yog liab ploog lawm. Muab cia qhov chaw txias tiam sis txhob cia hauv lub cav txias cia zaub mov noj. Txiv lws suav yuav lwj tom qab 5 hnub.

Txoj Kev Coj Tau Koj Cov Zaub Mus Tom Khw Kom Zoo Tshaj

Muab koj cov zaub cia qhov chaw txias yuav ua rau cov zaub thiaj li tshiab thaum koj thauj mus tom khw. Siv ib lub tsheb loj uas muaj ib lub cav txias cia zaub mas yog ib txoj kev zoo ua rau koj cov zaub kom tshiab. Yog koj tsis muaj ib lub tsheb loj uas muaj ib lub cav txias cia zaub, ces muab koj cov zaub cia rau hauv ib lub thawv txias. Muab dej khov rau hauv lub thawv txias ntawd. Yog koj cov zaub yuav tau cia kom qhuav, ces muab ntaub yas los yog ntawv xov xwm qhwv, ces mam li muab cia rau hauv lub thawv txias.

Txoj Kev Muag Koj Cov Zaub Tom Khw Kom Thiaj Poob Zoo

Neeg xav muas cov zaub uas tshiab tshaj, zoo noj tshaj, thiab huv tshaj. Luag yuav xav muas koj cov zaub yog tias koj:

• Muab koj cov zaub cia rau qhov chaw ntxov ntxoo. Ua li no cov zaub thiaj yuav tsis tuag.
• Siv ib lub kaus los yog tsu tsev ua ntxov ntxoo roos yog tias tsis muaj ntoo ua ntxov ntxoo roos.
• Tu koj qhov chaw teeb zaub rau luag ntsia, xws li pob thawb thauj los yog tsheb loj, tu kom huv si. Ntsia txhua txhua tsob zaub thaum koj thau los. Ua zoo saib kom txhob tsoo qhov twg thiab tseem zoo nkauj. Siv ib daim ntaub huv los so txhua qhov lo av uas koj pom.
• Muab zaub teeb ua ib kab los yog sib tshooj ua ib kab, kom neeg thiaj li pom thiab kov tau yooj yim thiab txhob ua rau lwm cov zaub ntog thiab poob.
• Muab cov loj cov me thau tawm tib si, kom neeg thiaj li xaiv tau qhov loj los me nyob ntawm luag xav muas.
• Muab ib yam zaub twg cia ua ib pawg, kom neeg thiaj li nrhiav tau yam luag xav muas yooj yim.
• Ua kom koj cov zaub muaj xim zoo nkauj. Muab cov zaub muaj xim sib txawv tso ua ke. Pua cov ntaub kom muaj xim zoo nkauj thiab huv los yog roos tej lub kaus kom muaj xim zoo nkauj kuj yog tej kev ua kom koj cov zaub zoo nkauj.
• Ib yam zaub twg tsuas muab li 10 txog 12 tsob zaub tawm los xwb. Cia lwm cov rau hauv lub thawv txias kom thiaj li tsis tuag.
• Luag ntxhi ua zoo hu cov neeg uas los ntawm koj qhov chaw muag zaub.

Txoj Kev Ua Kom Txog Tom Khw Luag Pom Koj Tshaj

Muaj coob tus neeg ua teb tuaj muag zaub tom khw. Yuav ua li cas luag thiaj yuav pom koj cov zaub? Ua zoo saib kom koj cov zaub yog cov tshiab tshaj thiab zoo nkauj tshaj. Ua kom koj qhov chaw muag zaub tshiab khiv thiab muaj xim ntau yam. Ua kom koj qhov chaw muag zaub yog ib qho chaw coj zoo rau cov neeg uas los nres saib koj cov zaub. Muaj siab rau koj cov zaub thiab koj qhov chaw muag zaub. Neeg yeej yuav pom xwb.

Produced by Communication and Educational Technology Services, University of Minnesota Extension.

In accordance with the Americans with Disabilities Act, this material is available in alternative formats upon request. Please contact your University of Minnesota Extension office or the Extension Store at (800) 876-8636.

University of Minnesota Extension is committed to the policy that all persons shall have equal access to its programs, facilities, and employment without regard to race, color, creed, religion, national origin, sex, age, marital status, disability, public assistance status, veteran status, or sexual orientation.